من يقول الشيخ زايد مات

يا سنام المجد .. وظهور الخيول المسرجات
 يا ثرى السبع العزاز . ويا شراع الجيليوت

يا زمــان المال واليمال في ملح الشتات
 يا بحر يا لول يا مرجان يا قناص حوت

يا حجر ( قصر الحصن ) يا ساسه العز الثبات
 يا سنين أول حياة الشيخ برهــــان وثبوت

يا دروب الخير وإيمان الشيوخ الطايلات
 يا كرم حاتم وضيفانه كبيرين البخـوت

يا خليج الخير يا بيض السيوف المرهفات
 يا حماة الدين والأعراض بيضان البشوت

من يقول الشيخ زايد مات والله ما مـات
 ما يموت اللي بنا مجد وحضارة ما يموت

وإن رحل عنا الجسد والروح تبقى الذكريات
 فـي قلوب المسـلمين وكل بيت من البيوت

الشاعر: عواض عبدالرحمن الشهيب

للخلف
العودة للقسم
العودة لـ شبكة الإسلام