سجٌادة من طاعة

على سجٌاده من طاعه دعت امي
 أبو هالأرض غاب وغابت الأمه

أحس عروقي تسأل ليش أنا دمي
 ماهو دمي ؟ تقول اصلاً أنا دمه

واحس الهم ياخذ هم مـــن همي
 واحس بداخلي قــولٍ ولا أتمه

ألا بـا عين زمي دمعتك زمي
 على رجلٍ تحته الأرض ملتمه

على روحه قريت أيه وأنا أسمي
 وأنـا روحي على فرقاه منسمه

يا عم الخير لبى وقال يــا عمي
 بعد مارحت هذا الخير من عمه ؟

أقول اسمك ويطلع الحزن من فمي
 أقــول اسكت ولكن حمتي حمه

أقول اسمك بلادي وكيف تنضمى
 عليك الله .. وأنا في ذمتي ذمه

أقول اسمك واحس ان الفرح يمي
 وانا من غبت عني ماني بيمه

أشوفك عيني واطبع دمعه في كمي
 دخيل رضاك زيدي دعوتك يمه

على سجُاده مـــن طاعة دعت أمي
 تقول الله يخفف عنـــــا هالغمه

الشاعر: ماجد عبدالرحمن

للخلف
العودة للقسم
العودة لـ شبكة الإسلام