ياليت حكام العرب مثل زايد

الحكـم حملـه حمـل واهوالـه اهــوال
 والـذود عـن مصـالـح الشـعـب كايد

يـاريــت كـــل شعـوبـنـا قـد الآمـال
 ويالـيـت حـكـام الـعرب مـثــل زايـد

الله خـلـق صـرح البـطـولـه لـلأبـطـال
 وماللـريـادة عــرش مـن غـيــر رايـد

عـديـت كلـمـة حـق والـحـق يـنـقـال
 لاعـودت يـم الـفــعــول الـفـرايـد

خـلـوا سوالـيـف الـحـزاوي والاطـلال
 واخــذوا مـن الـواقــع عـلــوم وكايد

الـفـعــل والله فــعــل زايـد ليـاقال
 مـاهـو بـفـعل متـبـعـيـن الـجـرايد

اكـرم مــن اللـي يطعـن البخـل بريال
 والهب مـــن احساس الحطب بالوقايـد

واصدق من الدمعه على خــد الاطفال
 واثبت من اسـوار الحصـون السدايـد

فعلـه لحـال وفـعـل خـلـق الله لـحـال
 قـايـد ويحـسـب عـن ثمانـيـن قـايـد

الكامـل الله بــس هــو كـامـل افـعـال
 سـمــوه زايد لانــه انـســان زايــد

رحمة من الله جــت على شـكـل رجــال
 عضـيـد لكن عـن جـمـيـع العـضـايـد

لـو مـا القصايـد تكتبـه فـخـر واجـلال
 اجـل مـن اللـي تنكتـب لـه قصـايـد!!

يـا بعـد عمـر الشعـب والجـاه والمـال
 يـا ذخر ربعـك فـي اللـيـال الشـدايـد

يارهـبـة هـــزت سـراجـيـف الانــذال
 يـاشـوق تـلـعـات الــرقاب الـرغـايـد

بنيـت جيـل وصـرت نـبـراس الاجـيـال
 عــدل عـلـى سـبع الامــارات سـايـد

رغــم الكـلـل علمـتـنـا نـيـل الامـال
 ووحدتـنـنـا رغـم اخـتلاف الـعـقـايـد

لـك صـرح حـافــل بالمـحـبـه ولا زال
وان بـادت صـروح الـغـلا مـنـت بايـد

لـو بــالابــوه كـلـبـونـا لك عــيــال
 ولـو بـالـمـروه كـلـنـا لـك سـنـايــد

يـا شيـخ درعـك درع ورجالـك رجــال
 شـعـب زرع لأرضا زعيـمـه شـهـايـد

تعلـمـوا مــن نخـوتـه ضرب الامـثـال
 وصارت لـهـم تـصـرفـاتـه عــوايــد

ان قلـت زايــد زايد سـلـوم وخـصـال
 وان قـلـت قـايـد عن ثمانـيـن قـايــد

ما اقـول طيبـه لاحضر يعمـل اعمـال
 ومـحـبـتـه تـجـمع قلوب وبـدايـد

اقــول لو ا لطـيـب مـخـلـوق رجـال
 يحـب الارض اللـي تحت رجـل زايــد

الشاعر: حامد زيد

للخلف
العودة للقسم
العودة لـ شبكة الإسلام