يا اللي بحكمك كل شيء لنا صار
 ياللي بعلمك كل شـــيء تديره

كل فقد نوره مـــن صغار وكبار
 مصيبة مــا هـي علينا .. يسيره

مع زايد الايام فرحــات واعمار
 وكــن الليالي بعد زايد عسيره

الدار تبكي يا عرب حاكم الـدار
 والناس ترثي زايــد بكل ديره

شعبه بكاه وتبكي الشيخ الاشعـــار
 شـيـخ بنا فـي عالم المجـد سيره

خيره وصل للناس فـي كل الاقطار
 سفارتـــه طيبه وفعله سـفيره

معروف في شوره اذا جات الاشوار
 قايد حكيم وفذ راعـــي بصيره

ما حط بين الشعب وعيونه اسوار
 شعب عشق زايد ولا حب غيره

تاريخه ابيض مــا بها شك وانكار
 مســيرة يا طيبها مــن مسيرة

يالله ترفـع منزله بين الاخيار
 وتطهره يا رب وانك تجيره

يا اللي بحكمك كل شيء لنا صار
 يـا عالـم بالغيب شـره وخيره